kega smo spoznali, kuda smo pasali.
Od teh Bojzeg stazi ke smo staracali.
smo markani i timbrani.
Storen je za nas litrat, ne treba nic zontat.
Stihovi su to Bepeta Jačona, šloveka od Katur ka je još pred 50 let sa svojo Ado fini va Švedske, kede so spleli novo njuzlo. S pet lepeh i proveh tići ki so se va njen zlegli. Porti je po razume, ma mu je srce i mlados doma zustala. I saki put kada se je na svoje Kature i preteli spameti, besedi od kanta so somi po sebe vonka letele. Preko teh besid prvo put son zonjega co još tamo poli 1977. leta, kada je za Labinsko komuno poslo svoji lepi versi. Malo besid ke puno gonajo.
Od kada je ve mojen bloge Labinska Republika od prvega dneva preko storeh kartolini i litrati laglje se tarniva doma, laglje mu na mente pridu puno stvori ke se ne moro već tarnat, ke so zostale koko jedon litrat. I bi ote Bepi reć da saki od nas jima svoj put, svoje stazi, a saka staza ima svoj finjitak. Kroj.
Zato fala Bepetu z Katur va Švedske ca nas se je spameti z vemi versi, pokle keh se mora malo već pensat. Za željo da još bude puno lepeh dnevi, proveh besedi i lepeh kartolini i fotografiji va keh je za vajka ostalo vreme pasano. Koko i va ven našen lepen i domoćen "ca". A oni ki ga poznojo neka ga nojdo na ven litrate storenen 15 febraja 1959. leta na kampe va Raše. Škvadra se je zvola Vihor, bila je trdo štabila, a on je, da van malo pomoremo, onaisti, visoki đogador, ka stoji drugi z desna. Prave da je bi dobar z balo! Tri leta kašneje i on je porti preko kunfina.
(više u knjigama o Labinštini: www.mat-flacius.hr)
Nema komentara:
Objavi komentar